Hojgoh mboujdanh ndei gwn, caemhcaiq miz haujlai vwnzva gwnndoet neihanz youq ndawde dem.

Gwn hojgoh yienznaeuz feihdauh ndei, hoeng mwh gwn seiz aeu haeujsim veiswngh, caemhcaiq gangj gohyoz. It dwg senj liuh dwg singjsien, mienxndaej fatseng gijgwn dengdoeg; ngeih dwg gaem ndei leizfeiz, danghnaeuz gijgwn youq ndaw hojgoh goenj nanz lai, yingzyangj cwngzfwn couh deng buqvaih, feih mbouj singjsien; danghnaeuz raemx caengz goenj couh gwn, youh yungzheih yinxhwnj bingh conghsaej. Linghvaih, gwn hojgoh seiz gaej gwn raemxdang daiq ndat, mboujnex nemmuek conghbak caeuq saihoz yungzheih deng logsieng.