Rumznit gominjsing ndaeng- haenz cujyau dwg vix hoengheiq nit yinxhwnj baenz cungj gominj fanjying ndeu. Biujyienh dwg cung- lwed caeuq foegraemx, vunzbingh ciengz okyienh ndaengsaek、rih mug saw、ndaeng haenzswgswg、conghhoz mbouj cwxcaih, baenzae daengj.

Fap yawhfuengz:

(1) Gaej bungqdeng gij feih noengzget. Yanghsuij、vacanghbinj daengj doxgaiq rox gig nemmuek conghndaeng, wng caenhliengh gaej bungqdeng de.

(2) Ndaw ranz aeu baujciz miz dohraeuj caeuq dohmbaeq. Ndaw rug hai gunghdiuz seiz, moix ngoenz aeu hai cueng doeng rumz, hawj hoengheiq singjsien haeuj ndaw rug bae, ndaw rug ndaej cuengq raemx bauj cumx, baujciz ndaw rug mbaeqdoh youq 30% doxhwnj.

(3) Baujciz seuqsak. Haet- naengz yungh raemxgyoet swiq naj, hag rox saengq ndaeng, baujciz conghndaeng seuqsak. Sien yungh cik fwngz ndeu nyaenj aen conghndaeng ndeu, lingh aen conghndaeng yaengyaeng saengq- mug okdaeuj. Leuxle vuenh lingh aen conghndaengq ciuqyiengh baenzneix guh, danhseih haeujsim gaej yunghrengq saengq.

Gyoetndat doxlwnz hix dwg aen yenzyinh yaeuhfat baenz ndaenghaenz ndeu, heiqnit dwg cauhbaenz seizdoeng gominjsing ndaenghaenz cujyau yenzyinh. Ndigah, seizdoeng yaek daeuj daengz seiz, vunzraeuz engq aeu guh ndei hong fuengz nit bauj raeuj cij ndaej.