12 nyied 4 hauh, Guengjsae Minzcuz Vwndiz Yenzgiu Cungsim nem Nungz Cigauh Yenzdaujvei Diuyenzcuj ca mbouj geijlai 50 boux lauxhangz bae daengz Dasinh Yen Yaleiz Cin haiguh Nungz Cigauh yozsuz yenzdauj hozdung, yawj le ciendaezbenq swhliu dieggaeuq ceroengz Nungz Cigauh, bae yienhciengz dieggaeuq ceroengz haiguh yenzdauj hozdung. Nungz Cigauh ndaej daengz dangdieg vunzlai haenh baenz minzcuz yinghyungz Bouxcuengh, Byadaek Nungzvangzcwngz daengj lizsij dieggaeuq ceroengz caeuq de mizgven hix bienqbaenz vwnzva yizcanj Mbanjcuengh dijbauj.(Cinz Civanj/覃志婉)