12 nyied 2 hauh, Sanhgyangh Dungcuz Swciyen Laujbauj Yangh Laujbah Cunh banh “ciep yienhgingq、 coi huzndei、 bang hwngfat nem Guengjsae Gveicouh dieg henzgyaiq saujsu minzcuz vwnzyi doxgyau biujyienj hozdung”, Guengjsae Gveicouh dieg henzgyaiq Dung、 Myauz、 Yauz daengj saujsu minzcuz yungh fouxaenvenz、 dohyeh、 fouxgvangjcangz minzcuz daengj lai cungj minzsuz cezmuz, gaenxmaenx coicaenh dieg henzgyaiq minzcuz doxgiet, doengzcaez angqhoh Sanhgyangh Dungcuz Swciyen laebbaenz 63 hopbi.

Gaenh geij bi neix daeuj, Laujbauj Yangh cungfaen leihyungh gijndei minzsuz doxlumj, gaenxmaenx caeuq dieg henzgyawj gak saujsu minzcuz dingh roengz “minzsuz doxgyau”, doenggvaq yezyej、 bohoih daengj ciet hung saujsu minzcuz, fatok ndawbiengz doihvwnzyi caeuq canghgoyeh yingjyangjliz, minzsuz ngoenzciet guh okcunz biujyienj, gaenxmaenx coicaenh vunzlai sengj henzgyawj mbanj henzgyawj cingzgamj doxgyau, haenqrengz dajcaux “henzgyaiq huzndei” “hamj sengj(gih) huzndei gyaranz”.

(Veiz Yincungh/韦认忠 Yangz Cunhmou/杨春茂)