11 nyied 28 hauh, “Veidunghbeih” Sanhgyangh Dungcuz Swciyen bi 2015 “cib aen cezmuz gofoux ndei” bingzsenj doxdax youq aen yienh neix dalijdangz banh, doxdax doenggvaq gagfoux、 daengxcungq foux、 gagciengq、 habciengq daengj cezmuz baijyienj Sanhgyangh Dungcuz Swciyen gij cwngzgoj youq vwnzva yisuz fuengmienh aeundaej haenx.

Ciuq cam rox, gaenh geij bi neix daeuj Sanhgyangh Dungcuz Swciyen doenggvaq “minzcuz vwnzva haeuj hagdangz、 segih” “cien mbanj fanh ranz” veiminz gunghcwngz daengj fuengsik, haenqrengz vatcimh、 ciengjgouq、 baujhoh saujsu minzcuz feihvuzciz vwnzva yizcanj, haenqrengz son’gyauq mbanj vwnzyi、 ranz vwnzyi. Doenggvaq haiguh “Sanhgyangh vwnzva Mbanjdung gyaeundei”、 “danqciengq Sanhgyangh moq gyaeundei” daengj hozdung, vih vunzlai daezhawj aen bingzdaiz baijyienj bonjfaenh he, fungfouq singzyangh vunzlai vwnzva saedceij, coicaenh vunzlai vwnzva hwngfat, bangcoengh doidoengh “vwnzva ak yienh、 lijyouz ak yienh”.

(Gunj Yicungh/滚亿忠)