11 nyied 25 hauh, Cungzcoj Si Denhdwngj Yen Sangyingj Yangh Dauzyungj Siujyoz, daihhagseng bangcoengh son’gyauq lauxsae caeuq gyoengq hagseng itheij guh’angq, nauhyied dangqmaz. Denhdwngj Yen dwg aen diegbya denjhingz he, dwg aen yienh cungdenj guekgya hong bangcoengh haifat. Dangdieg gaenxmaenx doicaenh gyauyuz bangcoengh, haenqrengz doicaenh lajmbanj sam louzmbanj gvansim hengzdoengh, ndaej “Daengx Guek Aen Yienh Sifan Hong Lwgnyez Louzmbanj” cwnghauh. Daj bi 2013 hwnj, Guengjsae Swhfan Yozyen Swhyenz Yozyen moix aen haggeiz cungj baij daihhagseng bouxgagnyienh doihfugsaeh bae Denhdwngj Yen siujyoz diegbya bangcoengh son’gyauq, vih dangdieg lwgnyez louzmbanj soengq bae cihsiz、 gvansim caeuq angqyangz.

(Vangz Yenmeiz/黄艳梅)