Seizcou bak sauj, ndaej gwn di gijgwn seng raemx gaij hozhawq ndeu daeuj vanjgaij.

1、Veizswnghsu B12. B cuz veiz- swnghsu dwg aen bouhfaenh baiz ok goeng- naengz noix mbouj ndaej ndeu, doengzseiz hix dwg aen geiqciet sied yingzyangj doxgaiq ceiq lai he, ndigah, bingzseiz aeu lai bouj gwn di veizswnghsu B cuz ndeu.

2、Makleiz. Gwn makleiz ndaej siu ndat gej doeg、 seng raemx gaij hozhawq、 dingz ae vaq myaiz, ndaej nyinh conghbak, doiq mbangj cihgi’gvanj fatyiemz、 baenzae miz ceihyw gyaciz.

3、Makit. Gwn makit ndaej bouj heiq- lwed、seng raemx gaij hozhawq、leih nyouh, habdangq gwn di he miz ndeicawq.

4、Raetngaenz. Raetngaenz vaq myaiz ceiq ndei, daegbied dwg yaem haw yinx baenz bwt sauj、baenzae、bak sauj, cozyung gig ndei.

5、Raemx. Raemx dwg goekmboq diuz- mingh, gaej caj daengz bak sauj lo caiq gwn raemx, bingzseiz aeu ciengz gwn di raemx ndeu daeuj bouj hawj aenndang, hix ndaej habdangq gwn di cazloeg、cazva ndeu, danhseih gaej yungh yinjliu daeuj daiqlawh raemx.

Daj ndang ndei gakdoh daeuj gangj, bak sauj couh gangjmingz ndaw ndang raemx mbouj gaeuq lo. Danghnaeuz ndaw ndang raemx mbouj gaeuq, couh rox fat baenz haujlai bingh. Ndigah, yawhfuengz seizcou bak sauj dwg seizcou baujgen gienh saeh cungdenj ndeu.