Lwgmaenz hamz dangz caeuq danbwzciz、nyinzsei nem lai cungj veizswnghsu gig lai, ndawde hamz lauxbaeg nding、 veizswnghsu E caeuq veizswnghsu C hix daegbied lai, moix ngoenz gwn aen maenz ndeu, gig miz yingzyangj gyaciz. De lij hamz miz denfwnj、nyinzsei gijgwn、lauxbaeg nding、veizswnghsu A、veizswnghsu B、veizswnghsu C、veizswnghsu E caeuq gyaz、dez、dungz、sih daengj 10 lai cungj veizlieng yenzsu caeuq yayouzsonh dem, yingzyangj gyaciz gig sang, deng yingzyangj conhgyah haenh guh gij baujgen sizbinj ceiq doxdaengh he.

Lwgmaenz hamz danbwzciz caeuq youz- lauz gig noix, ndigah aeu dapboiq byaekheu caeuq gijgwn hamz danbwzciz lai haenx itheij gwn, yingzyangj cij baujcwng doxdaengh caezcienz.

Lwgmaenz ceiq ndei dwg youq banngaiz gwn. Aenvih duenh seizgan neix vunzraeuz gwn lwgmaenz roengz dungx le, ndang vunz aeu ginggvaq 4 daengz 5 diemj cung cij ndaej supsou gai, ndigah gwn le lajbyonghngoenz ndit ciuq cingqngamj ndaej supsou gai lo.