Gij rag、ganj、mbaw caeuq ceh byaekginzcai cungj baenz yw. Yienhdaih yozlij yenzgiu byauj- mingz, byaekginzcai ndaej gyangq hezyaz、gyangq hezcij, de miz baihlaj roek daih goengyauq:

1、Ndaej bingz daep gyangq hezyaz. Byaekginzcai hamz miz gij soemj gyangq hezyaz haenx.

2、Ndaej caemcingx an saenz. Daj ndaw ceh de faenliz ok cungj genj he, doiq doihduz miz caemcingx cozyung, doiq ndang vunz hix miz andingh cozyungz.

3、Ndaej leih nyouh siu foeg. De hamz miz leih nyouh cwngzfwn youq ndawde, ndaej siucawz naz ndaw ndang yaemz youq, leih raemx siu foeg.

4、Ndaej fuengz aiz dingj aiz. Byaekginzcai dwg cungj byaek hamz nyinzsei lai he, ginggvaq ndaw saej cozyung canjseng cungj muzcizsu roxnaeuz lauz ndaw saej, cungj huq neix dwg cungj doxgaiq dingj yangjva ndeu, vwnhdu sang seiz ndaej hanhhaed gij baenz aiz doxgaiq sigin ndaw saej. De lij ndaej gyavaiq haex youq ndaw saej yinhsoengq seizgan, yawhfuengz vunz baenz gezcangzaiz.

5、Ndaej ciengx lwed bouj haw. De hamz diet haemq lai, ndaej bouj gij lwed mehmbwk dawzsaeg sied bae lai haenx, gwn de ndaej hawj lwgda miz saenz, byoemgyaeuj ndaem ngaeuz.

6、Ndaej siu ndat gej- doeg. Seizcou dienheiq hawq- sauj, vunzraeuz yungzheih bak sauj linx hawq, simfanz ndang naiq, ciengz gwn di byaekginzcai he ndaej bang siu ndat gejdoeg, siu bingh cangq ndang. Boux baenz daep huj hoengh lai、boux naengnoh cocauq caeuq boux ciengzseiz ninz mbouj ndaek、boux gyaeuj in ndaej habdangq lai gwn di.