Mehdaiqndang baenz dungx- siq dwg aen saenqhauh yungyiemj ndeu, ciengeiz mbouj ndaej raegrwz bw. Daiqndang geizgan ciengz baenz dungxsiq, dangh- naeuz mbouj gibseiz gwn yw, mboujdanh yingjyangj supsou yingzyangj doxgaiq, caemhcaiq gojnwngz rox yinxfat baenz rongzva sousuk cauhbaenz lon- lwg.

Mehmbwk daiqndang le aeu gibseiz bouj gwn raemx, lai gwn haeuxcuk caeuq raemxdang daeuj bouj aenvih dungxsiq sied bae gij raemx haenx. Doengzseiz hix aeu gwn di gaudiemj he daeuj demgya gij ndat caeuq daezsang rengz- ndang.

Mehdaiqndang baenz dungx- siq le yungh yw aeu daegbied siujsim, cawz miz mbouj ndei fanjying le, mbangj yw lij rox hawj lwgndawdungx bienqhingz dem.

Mehdaiqndang aeu siujsim yungh yw gangswnghsu. Anh- gihganh、vangzanh、gveiznoz- dungz、swvanzsu、gyazsiuhco、bingduzco daengj yw doiq yw dungxsiq miz yaugoj, hoeng, de rox hawj lwgndawdungx bienqhingz, ndigah mbouj ndaej gwn.

Itbuen daeuj gangj, ndaej gwn hungzmeizsu、anhbenj cinghmeizsu, song cungj yw neix doiq mehdaiqndang caeuq lwg- ndawdungx mboujmiz yingjyangj.

Danghnaeuz gwn song cungj yw neix lij caengz raen ndei, aeu bae yihyen genjcaz conghsaej roxnaeuz guh veiging genjcaz cij ndaej.