Lwgbiek. Lwgbiek hamz mba lai, yingzyangj hix lai. Moix 100 gwz lwgbiek couh hamz miz 91 gaj ndat, 2.4 gwz danbwzciz, 0.2 gwz youzlauz, 20.5 gwz dansuij vahozvuz, 14 hauzgwz gai, 43 hauzgwz linz, 0.5 hauzgwz diet, 10 hauzgwz veizswnghsu C, 0.09 hauzgwz veizswnghsu B1, 20.04 hauzgwz veizswnghsu B2. Lwgbiek unq mboeng raeuzred, yungzheih siuvaq, gwn de ndaej cangq dungx, daegbied hab boux dungx hawnyieg、boux conghsaej miz bingh caeuq gij vunzbingh cingq hoizfuk dauq ndei haenx gwn, dwg huqndei nyeziq nyez- nomj caeuq bouxlaux.

Lwgmaenz (daegbied dwg lwgmaenz ndaw henj). Lwg- maenz dwg gijgwn ndawde yingzyangj ceiq lai ndeu. Gwn de ndaej bouj haw、ik heiq、cangq dungx、giengz mak yaem caeuq huz dungx、 raeuj dungx、 ik bwt.

Byaekbausim. Ndaw byaek- bausim hamz veizswnghsu C beij makyungz sang 3.5 boix, hamz gai beij lwgbieng sang 2 boix. Gwn de ndaej coi ndang vunz baiz doxgaiq okdaeuj, doiq lwgnyez sengmaj fazyuz mizleih.

Lauxbaeg. Lauxbaeg hamz raemx haemq lai, doengzseiz caemh hamz miz veizswnghsu C caeuq mbangj gai、linz、dansuij vahozvuz caeuq siujliengh dan- bwzciz、diet caeuq veizswnghsu wnq dem. Yihyoz nyinhnaeuz, lauxbaeg singq liengz feih manh diemz, ndaej siu cwk、vaq myaiz ndat、gej doeg, ciengz yungh daeuj yw dungx ciengq caeuq ok nyouh mbouj ndaej daengj bingh. Doiq seizcou boux baenz dungx- raeng、boux rumz ndat dwgliengz、boux benjdauzdij fatyiemz、boux ae’ngab myaiz lai、boux conghhoz insep miz bangbouj ceihyw coz- yung.