Gou gyaez gaiq fwngz daxmeh gaenxgyaek haenx.

Moix baez gou cuengqhag ma ranz, de couh yungh gaiqfwngz gaenxgyaek de guh ok buenz byaek ndeigwn he, hawj gou gwn ndaej imq gwn ndaej van. Gou siengj bienqbaenz aen sahfaz umqnem he, hawj daxmeh sinhoj baenzngoenz haenx naengh ndaej cwxcaih.

Gou gyaez gaiqfwngz daxmeh giengiengz haenx.

Moix baez doek fwn, gou youq bakdou hagdangz, yawjraen aen ndang sugsed he. Daxmeh yaengx aen liengj saeklamz he, vih gou gang ok aen mbwn mbouj miz fwn he. Hoeng daxmeh cix deng fwn rwed dumz lo. Gou naeuz:“Daxmeh, liengj nyeng lo.” “Mbouj nyeng ha!” “Hoeng aenliengj caen nyeng lo.” Gou mbouj ok sing lo, gou siengj bienqbaenz go faex hung he, vih daxmeh dangj rumz cw fwn.

Gaiqfwngz daxmeh, dwg aen gangjvanh mbouj miz rumz he; gou dwg aen ruz iq he, dinghdingh dingz youq ndaw gangjvanh. Moix baez gou gaem gaiqfwngz daxmeh, ndawsim couh raeujrubrub. Gou gyaez gaiq- fwngz daxmeh, hix gyaez daxmeh.

(sam nienzgaep Couh Veihlinz)