Byaij dwk byaij dwk, suenbyaek daxgoeng daengz lo. Lij caengz haeujbae, gou couh yawjraen baenz roix baenz roix makit diuqbeiz dwk daj ndaw ciengzhumx ndonj okdaeuj, lumjdwg angqcoux gou nei! Gou ngiengx gyaeuj yawj, ya, lij miz roix makit he maj youq gwnz ganjdienhsienq ne! Caen ndeiriu.

Byaij haeuj suenbyaek bae, gou engq dwg haenhndei mbouj dingz. Daxgoeng ndaem le haujlai byaek: Miz mak- yungz ndingyanyan, byaekheu heuyauyau caeuq gvesei raezrangrang, mboujgvaq ceiq haeuj da gou dwg lwgbieng heuswdswd haenx. Gou sikhaek gvaqbae mbaet aeu aen ndeu, “Aeya! Dwg gijmaz doxgaiq camz gou ha?” Daxgoeng riuhaha vix gij oen iq gwn gaeu lwgbieng, o, laxlawz dwg lwgbieng diuqbeiz iet ok oen iq camz fwngz gou, hwhw, dwg mbouj dwg raen gou daeuj- daengz le biujsi gyaez gou ha?

(sam nienzgaep Ciengj Hangz)