Mboengqneix, Duh’anh Yauzcuz Swciyen senjbaij 5 boux minzcuz yisuz lauxsae bae Baekging camgya “gyaez cij aenvih miz mwngz” lajmbanj lauxsae beizyin goeng’ik hanghmoeg, caeuq daengx guek gak dieg 120 boux minzcuz yisuz lauxsae itheij byaij haeuj Cing’vaz Dayoz、 Baekging Dayoz、 Cing’vaz Dayoz Fusuz Siujyoz camgya ciengqgo、dozveh、 suhfaz、 citheiq daengj yisuz gocwngz doxgyau, camgya Cing’vaz Fusuz Siujyoz bak bi yauging doenghgih hozdung neix, vanzlij dingq le guekhag gyangjco gig miz goekdaej Cunghvaz minzcuz vwnzva haenx.

Youq seiz Cing’vaz Dayoz Fusuz Siujyoz banh gaihmusiz, aen yienh neix minzcuz yisuz lauxsae Banh Cenzbei eu hot fwen 《Dohci Lo》, ndaej daengz yienhciengz bouxdingq bekfwngz.

Ciuq cam rox, “gyaez cij aenvih miz mwngz” lajmbanj lauxsae beizyin goeng’ik hanghmoeg dwg youz Cing- vaz Fusuz Siujyoz caeuq lajmbanj lauxsae beizyin bouxgagnyienh lienz- hab fatguh, muzdiz dwg gyavaiq dieg saujsu minzcuz gyauyuz saehnieb hwngfat, sukiq dieg saujsu minzcuz giekdaej gyauyuz cengca, saedyienh giekdaej gyauyuz bingzyaenx hwngfat.

(Lanz Fuzgvanh/蓝福宽)