●Gaenh geij bi neix daeuj, Lungzswng Gak Cuz Swciyen gyalai dajndaem canjnieb gezgou diuzcingj ligdoh, doenggvaq cwngfuj dazyinx、gisuz bumwnz sonyinx, vunzlai gaenxmaenx guh swnghcanj, seizneix, aen yienh neix ndaem lwgmanh mienhcik 2 fanh moux, bingzyaenz moix moux canjciz 10000 maenz, ndaem lwgmanh baenz cungj fuengsik dangdieg bouxguhnaz demsou baenzfouq he.

(Veiz Gizyangz Yangz Cunhcungh)

●Bineix daeuj, Cungguek Nungzyez Ngaenzhangz Lingz- yinz Yen Cihhangz baengh gij ndei ceingaenz de, haeuj- coengh deihfueng nungzyez canjnieb hwngfat, vih aen yienh neix cingcinj bangcoengh vut gungz ok rengz. Aen cihhangz neix dajsuenq youq bineix fatcuengq lajmbanj cienzsoq noix danbauj diepsik daigvanj 2300 fanh maenz, seizneix gaenq fatcuengq 1200 lai fanh maenz, 200 lai hoh nungzhoh ndaejik.

(Vangz Yenzyungz)

●Mboengqneix daeuj, Libuj Yen youq seiz cungsaed ranzsaw nungzgya gohbuj cihsiz, aeu 20 cungj bauganh dajndaem dajciengx、 36 fanh bonj saw hawj vunzlai yawj mbouj aeu cienz, moix daengz seizhoengq, daengx yienh 122 aen ranzsaw nungzgya bienqbaenz vunzlai hagsib cihsiz dajndaem daj- ciengx simmuengh ciengzdieg.

(Couh Cinyenj)

●11 nyied 9 hauh, Swcigih Gyauyuz Duzdaujcuj bae Vuj- mingz Yen duzdauj bingzguj hong doicaenh yivu gyauyuz bingzyaenx hwngfat, baez duzdauj bingzguj neix yungh yawj ciendaezbien、 dingq baugau、hai hoih doxgyau daengj fuengsik, doiq aen yienh neix hong doicaenh yivu gyauyuz hwngfat guh bingzguj.

(Liengz Cui)

●Mboengqneix, Lungzswng Gak Cuz Swciyen “ranz mehmbwk” bouxgagnyienh doihfugsaeh cujciz haiguh gyoebhab cingjceih daihhengz- doengh, doenggvaq cungj hengzdoengh neix, lienzdaengz daiqdoengh ndawbiengz “daih- gya” camgya, gaijndei vanzging “rab luenh ca”.

(Gyaj Libingz Yangz Baujcangz).