11 nyied 10 daengz 11 hauh, Gunghcwngz Yauzcuz Swciyen Gyauyuzgiz cujciz haiguh gaiq daih’it bouxcoz lauxsae youwzyenz minzbanh dangzgoq ndei doxdax, daengx yienh 80 lai aen youwzyenz minzbanh 17 boux lauxsae youwzyenz camgya doxdax, ca mbouj geijlai 100 boux lauxsae bae daengz yienhciengz yawjngonz hagsib. Baez doxdax neix, mboujdan daezhawj aen bingzdaiz gak youwzyenz doxhag、 doxgyau、 dox coicaenh, caenh’itbouh gveihfan youwzyenz minzbanh banhyenz hingzveiz, daezsang lauxsae youwzyenz hongsaeh suciz, lij mizyauq coicaenh aen yienh neix baujgyau baujyuz suijbingz mboujduenh daezsang. Ndaw doz dwg lauxsae hwnjdangz doxdax yienhciengz.(Liengz Veih/梁 辉 Cinz Gizliengz/陈吉良)