Dangqnaj, youq gwnz yihyoz gaenq nyinhdingh miz haujlai gijgwn ndaej yinxhwnj ae’ngab fukfat. Itbuen bya singjsien ndaw haij、duznyauh、duzbaeu、lwggwz seizcou cungj yungzheih yinx- hwnj gominj ae’ngab, boux baenz ae’ngab wng geih gwn gij huq neix. Linghvaih, boux baenz ae’ngab nit wng siuj gwn makleiz、byaekbohcai、rangz- ndoek daengj, wng gwn di gijgwn raeuj lumj nohyiengz、 hing; boux baenz ae’ngab ndat cix cingqngamj doxfanj. Lwgcid、lauxbaeg hau、noh makhuzdauz、makcauj nding、cehmbu、maenz- cienz ndaej cangq mamx vaq myaiz、ik mak ciengx bwt, gwn de doiq fuengz ae’ngab fukfat miz itdingh cozyung. Caiq gangj, bouxbingh ndaej gaen- gawq aenndang loihhingz, hab- dangq senj gwn di ywbouj he, neix doiq daezsang menjyiz goengnaengz aenndang、dem- giengz huhgizdau fuengz bingh naengzlig gig miz bangcoh. Ae- ngab fukfat seiz, wng siuj gwn duh、maenzdoengzlingz、lwg- maenz daengj, mienxndaej aek ciengq at duenh aek cix diemheiq sinhoj.

Ae’ngab dingzlai dwg youq gyanghwnz fukfat, ndigah, vunz- bingh aeu baujciz miz itdingh dohraeuj caeuq dohmbaeq, hix aeu baujciz hoengheiq riuzdoeng ndei. Aenrug ngamq byoq youz- caet gaej sikhaek haeujbae ninz, ceiq siuj aeu hai dou doeng rumz aen singhgiz he cij ndaej haeujbae ninz, fuengz bouxvunz bungqdeng yinxhwnj gominj. Gij denz caeuq buhvaq boux baenz ae’ngab wng siuj yungh seifaiq caeuq bwnnyungz daeuj guh.

Seizcou mbwn liengz, vunz- bingh wng haeujsim yindung caeuq lienhndang dingj nit. Linghvaih, bin bya yawj gyae、youz bya dangh raemx hix ndaej hawj simcingz vaiqvued, cuengqsoeng cingsaenz, mbehai heiqguenj, doiq yawhfuengz ae’ngab fukfat miz itdingh cizgiz cozyung.