Doiq gij lwgnding cingq maj ndang daeuj gangj, wnggai hawj de lai gwn di haeuxndaem he. Haeuxndaem hamz miz danbwzciz、youzlauz、veizswnghsu B、gai、linz、diet、sinh daengj doxgaiq, yingzyangj gyaciz sang gvaq cungj haeux wnq.

Ciengzseiz gwn haeuxndaem, doiq boux baenz binghmenhsingq、boux bingh ngamq ndei hoizfuk geizgan caeuq lwgnding miz haemq ndei nyinh bouj cozyung, ndaej mingzyienj daezsang saek lwed caeuq hezhungzdanbwz ndang vunz hamzliengh, mizleih sim sailwed hidungj baujgen, mizleih goetndok caeuq aenuk lwgnyez fatmaj, caemhcaiq ndaej coi mehsenglwg、boux bingh ngamq ndei ndang haw hoizdauq ndei.

Linghvaih, haeuxndaem lij ndaej nyinh yaem bouj mak、ik heiq giengz ndang、cangq mamx sek dungx、bouj daep raeh da、dingj nyieg ciengx naj、fuengz bingh cangq ndang dem.