Daeggo seizhah boq aendig angqvauvau byaij bae lo, hix daiq gij hwngndat seizhah bae lo. Dahsau seizcou daiq dahnuengx rumzcou yaengyaeng daeujdaengz henz ndang raeuz, dauqcawq cungj gyuemluemz gij heiq seizcou.

Gou daeujdaengz ndaw suen- mak, dangqnaj cungj dwg gij mak henjcug. Yawj, makbingzgoj nding- hoengz ndoj youq ndaw geh mbaw, baenz roix baenz roix makit venj youq ndaw geh gaeu, gyoengqde lumj caeuq gou doxndoj nei. Baenz raq baenz raq rumzcou, ci gij heiq seizcou daeuj: Heiqhom mak- ndae, heiqsoemj makdoengj, heiq- van makit……

Gou daeujdaengz gunghyenz, gwnz diegnywj gaenq bu hwnj fandamj henj he, caij hwnjbae umqnemnem, cwxcaih raixcaix. Haujlai faex ndaw gunghyenz cungj bienq yiengh lo, miz mbangj mbawfaex henjrwgrwg, miz mbangj mbawfaex ndingyanyan. Rumzcou ci daeuj, mbaw nding mbaw henj menhmenh mbin roengzdaeuj, lumj hawj daihdeih vuenh buhvaq gyaeundei nei.

Gou gyaez gij saek seizcou, hix gyaez gij heiq seizcou. Gou gyaez seizcou gyaeundei.

(sam nienzgaep Ciz Cingvwnz)