Swcigih gietdingh: Gij gangcaiz Guengjsae gag cauh haenx 85% yungh daeuj guh nungzyez caeuq hong gunghyez bang nungz. Daj bi 1973 hainduj, daengx gih gyoebcomz 77 gya giyez 7 aen hangznieb bae camgya gij daveican cauh dohlahgih, cienmonz cauh gij sezbei boiqdauq swnghcanj hawj Liujcouh Dohlahgihcangj caeuq Yilinz、Namzningz Soujfuz Dohlahgih- cangj. Veiz Gozcingh lai baez bae daengz gij cangj neix guh diucaz ngeixyaeng, dazyinx guhhong. Namz- ningz Soujfuz Dohlahgihcangj engqgya dwg aen giyez de ciengz bae ndeu. Bi 1974 ndwen 2 ngoenz 16, Gyangh Cingh caeuq bang mageq de ciq “bae Linz bae Gungj” guh yukyon, mbangj dieg mbangj danvih youh dauqcungz okyienh “dikhai dangjveij nauh gwzming”、dauqcungz baek mbawgeiz baijbied、cujciz lenzlozcan daengj miuzdaeuz seiz, Veiz Gozcingh lij youq gizneix caeuq vunzhong naengh roengzdaeuj damz gvaq, gibseiz sienmingz dwk biujdaz le swcigih dangjveij gvendaengz “bae Linz bae Gungj” itdingh aeu youq dangjveij doengjit lingjdauj lajde, genhciz seizhoengq guh gwzming aen daidu neix hawj daengx gih, dwkbaih le gij yaemmaeuz “Seiq Vunz Bang” siengj caiq lingh baez gauj luenh Guengjsae haenx.

Vihliux gyagiengz lingjdauj nungzyez gihgaiva, swcigih cienmonz laebbaenz le aen lingjdauj siujcuj daeuj guenj hangh hong neix, gak digih、gak yienh cungj laebbaenz le gij gihgou guenjleix nungzyez caeuq gunglienh dinfwngz nungzgih、doi- gvangq ngeixyaeng gohyoz、gunghawj doxgaiq、coih hongdawz、gamduk ancienz daengj fuzvu dijhi. Nungzgih bumwnz ciengzseiz guh aenyiengh nungzgih byaujyenj, Veiz Gozcingh lai baez bae ngonz, daezok yigen, guh mbangj sonyinx. Bi 1975, Guengjsae cauh ok nungzgih gaenq hainduj baenz gveihmoz, soujfuz dohlahgih bi cauh ok 1.1 fanh daiz, dohlahgih cunghingz bi cauh ok 3065 daiz, nungzyungh heiqci bi cauh ok 800 gyaq, caizyouzgih bi cauh ok 48.98 fanh maxlig, vih Guengjsae gvaqlaeng saedyienh nungzyez gihgaiva guh baenz le aen goekdaej haemq ndei ndeu. 1978 ndwen 1, baez Daengx Guek Nungzyez Gihgaiva Veiyi laeb miz song aen denjhingz, aen ndeu dwg Sanhdungh, lingh aen dwg . Seizde《Yinzminz Yizbau》daeng miz selun, cix daezok youq daengx guek guh baez doxdax gwzming aen cangyi aeu “namz beij Guengjsae, baek gyaep Sanhdungh” he. (caengz sat)