Duhndaem yingzyangj sang, seizcou raeuz wngdang gwn bouj ndang. Conhgyah naeuz, seizcou lai gwn duhndaem ndaej bouj mak, gij daeuhseih raeuz ciengzseiz gwn haenx, couh dwg aeu duhndaem fatoemq guh baenz, ndaej dwk guh boiqliuh.

Yingzyangj cwngzfwn duhndaem:

Duhndaem hamz miz vuengzdoengz duhhenj、caucunz duhhenj、danbwzciz lai, caemhcaiq hamz miz B cuz veizswnghsu、cihfangzsonh、lauxbaeg nding doxgaiq、yezsonh dem. Daeuhseih yungh duhndaem oemq baenz hamz miz daihliengh niugizmeiz ndaej yungz lwed saek, hix miz siujliengh B cuz veizswnghsu caeuq gangginsu dem.

Ywyungh goengyauq duhndaem:

(1) Vunz ciuhgonq nyinhnaeuz, duh dwg goeklueg aenmak, yiengh duhndaem lumj aenmak, feih diemz singq bingz, ndaej bouj mak cangq ndang、leih raemx gaij doeg、vued lwed nyinh naengnoh, daegbied hab boux mak haw gwn.

(2) Daeuhseih yungh duhndaem oemq baenz lij ndaej siu fanz siu nyap, caemhcaiq ndaej ceihyw bingh ndok soeng ndok byoiq, hezyaz sang、binghnyouhdangz daengj.

(3) Yungh duhndaem guh baenz iengduh、daeuhfouh daengj gijgwn, ndaej yw aenvih mak haw yinxhwnj mumh caeuq byoem bienq hau vaiq、byoem loenq, ndigah duhndaem youh heuhguh “ mehmbwk byoem ndaem ”.

Fuengfap gwn duhndaem：

Ndaej cigciep cawj cug gwn, hix ndaej guh baenz iengduh、daeuhfouh daengj gijgwn.