Hawqsauj dwg gij cawjheiq geiqciet seizcou, aen ciet neix ndang vunz yungzheih deng hawqsauj ciemqhaeuj sieng daengz aenbwt. Guek raeuz daj ciuhgeq roengzdaeuj couh miz aen gangjfap naeuz hawqsauj yungzheih sieng bwt neix. Seizcou hawqsauj youh faen baenz “raeuj hawq”caeuq“liengz hawq”song cungj, cungj doekgonq dwg youq ngamq haeuj seizcou mbwn lij ndat roxnaeuz ndit nanz mboujmiz fwn seiz fat miz cungj cingzgvang neix, cungj doeklaeng dwg youq haeuj seizcou duenhlaeng mbwn cienj liengz seiz fat miz. Danhseih mboujlwnh dwg cungj cingzgvang lawz, daengzlaeng cungj rox yinxhwnj baenz siuhauq raemxyaem, naengnoh caeuq raemx ndaw ndang bouxvunz sied bae caemhcaiq sieng daengz aenbwt, ndaej raen miz bak sauj、naengbak dekleg、ndaeng saek、conghoz in、baez rwd baez rwd gan ae, caemhcaiq ndaeng ok lwed roxnaeuz ae gij myaizgwd daiq miz sailwed daengj ithaeh- lied yienghsiengq.

Seizcou fuengzceih bingh- hawqsauj, gvanhgen dwg youq laeng ciengx bwt. Haeuj cou le, mwh vaendoh caeuq mbaeqdoh fatseng haemq daih bienqvaq roxnaeuz vunzbingh deng bingh- doeg、sigin ganjyenj seiz, ngamq hainduj biujmienh dwg nemmuek conghndaeng nyaeuqhoet cix gamjdaengz hawqsauj, riengz- daeuj cunglwed miz di in ndeu, okyienh conghndaeng haenzswg insep、gan ae myaiz siuj. Aenvih biujmienh nemmuek congh- ndaeng danbwz gezgou fatseng bienqvaq, nemmuek heiqguenj saihoz fatbingh cix ae mbouj dingz, neix heuhguh “gan ae”. Danghnaeuz mbouj gibseiz ceihyw, couh rox yinxbaenz heiq- guenjyiemz caeuq cihgi’gvanj- yenz, aenbwt sienghaih engq youqgaenj. Linghvaih, aenvih goengnaengz aenbwt deng hanh- haed, aenndang gojnwngz okyienh soengq yangj mbouj gaeuq, yienghneix couh cauhbaenz naengnoh humzhaenz、byoem- gyaeuj henjroz daengj, hix gojnaengz rox baenz haexgaz dem. Ndigah, cijmiz ciengx ndei bwt le, gijwnq goengnaengz daengx ndang caeuq aenbwt mizgven haenx cij ndaej gaenriengz ndei hwnjdaeuj.