It, naengnoh naetnaiq seiz geih baeng naj. Mwh naengnoh youq laj ndithaenq dak gvaq roxnaeuz ngauzhwnz、ninz mbouj gaeuq seiz, ciengeiz gaej baeng naj. Neix dwg aenvih, baeng naj rox gig naengnoh fajnaj, cauh- baenz naengnoh fajnaj miz fudanh, naengnoh fajnaj couh beng engq haen.

Ngeih, geih madcat naeng- noh gvaqbouh. Yunghrengz mad- cat naengnoh roxnaeuz muz sa fajnaj seuqsak, neix rox gig naengnoh, hawj naengnoh engq sauj.

Sam, geih led ywnyinhnoh daiq lai. Naengnoh aeu miz raemx lai, mbouj dwg aeu miz youzcij lai, bingzseiz lai faet di raemxvaqcang ndeu couh ndaej.

Seiq, geih nunaenx naeng- noh gvaqbouh. Nunaenx naeng- noh seiz, itdingh aeu ciuqei nyinzsei noh fuengyiengq bae menh nunaenx, daegbied dwg giz naengnoh gvaengzda, gizde daeg- bied minjganj caemhcaiq byoiq- nyieg, nunaenx seiz aeu daegbied siujsim.

Haj, geih naenx fajnaj. Mwh raeuz naenx fajnaj seiz gaenq dawz faenx、youzcij caeuq heiz nem haeuj naengnoh fajnaj bae lo. Ndigah, caenhliengh gaej yungh fwngz bae naenx fajnaj, yiengh- neix cij ndaej baujcwng naengnoh seuqsangj cwxcaih.