Roegreuq ranz mehgux gwn doxgaiq gig mizyinx, gou gueng haeux hawj de gwn, yienzbonj laihnaeuz de sikhaek gwnngabngab, mbouj siengj daengz de doengh hix mbouj doengh. Mehgux ronq gep makbingzgoj he cuengq haeuj ndaw roengz bae, roeggeuq sikhaek diuq roengzdaeuj dot haeux gwn. Caen dwgcaengz, vihmaz gou gueng de de mbouj gwn, mehgux gueng de couh gwn! Mehgux raen gou mbouj angq, couh naeuz: “Duz roeggeuq neix caeuq vunzraeuz ityiengh, danghnaeuz mbouj miz byaek, dan gwn haeux mwngz gwn mbouj gwn ndaej roengz ne? Roeggeuq hix ityiengh.” Dingq coenz vah mehgux neix, gou couh mbouj caiq mbouj angq lo. Baez siengjsiengj, duz roeggeuq neix lij caen dwggyaez bw!

(seiq nienzgaep Vuz Haijyinz)