Byaijhaeuj ndaw ndoengfaex iq bae, byaij youq gwnz diuz loh caemdingh he, youq gizgyae, lumj baenz dah baenz dah dahsau gyaez lengj vuenh hwnj buhhenjrog gyaeundei nei. Mwngz yawj, raemxrij ndaw ndoeng lij dwg baenzhaenx nyaengq, dinghdingh lae bae coh giz gyae. Byaij haeuj gyawj yawj, raemxrij sawndik yawjraen daejrij, lumj vih gou bwh ndei aen gingq he. Mwh seizhah mbwn ndat, gou byaij daengz henz rij, aeu raemxrij daeuj swiq aennaj okhanh, ha! Caen liengz caen cwxcaih ha. Siengj dwk siengj dwk, gou couh aeu fwngz bae gop raemx, ya, raemx bienq gyoet lo. Gou sawqmwh hemq naeuz: “Seizcou caen dwg daeuj lo.”

Gyoengq bya he youz gvaqdaeuj, najraemx sanq ok baenz gvaengx baenz gvaengx fubfed. Daxmeh duzbit hix daiq gyoengq bitlwg he daeuj couqnauhyied, najraemx bingz- dingh haenx nauhyied hwnjdaeuj lo! Dwg bw, seizcou caen dwg daeujdaengz lo.

(seiq nienzgaep Fungz Swhvwnz)