Naengnoh youzyub: Swiq naj seiz youq ndaw raemxndat ndik di meiqhau ndeu, ndaej hawj naengnoh ngaeuzwenj ndeiyawj, caemhcaiq ndaej gemjsiuj conghbwn saekdimz.

Naengnoh hawqsauj: Youq ndaw raemx vameizgveiq ndik geij ndik dangzrwi, yub led daengx fajnaj, aeu fwngz bek naj hawq bae. Haemhnaengz fanfoek guh 2 daengz 3 baez, ndaej hawj fajnaj dumznyinh、ngaeuzwenj、saeqnaeh.

Naengnoh mbouj youz mbouj hawq: Gyanghaemh aeu raemxgyoet swiq naj le, caiq yungh gij fwi raemxndat oenq fajnaj yaep ndeu, doeklaeng yaengyaeng mad hawq.

Naengnoh nyieglaux: Haetromh yungh raemxgyoet swiq naj, hix ndaej youq ndaw raemx swiq naj dwk di gyu he, ceiq ndei dwg gyu ndaw haij. Hix ndaej aeu raemxcaz gwd swiq naj roxnaeuz youq ndaw raemx swiq naj heuz di raemxmak ndeu.