It fuengz yindung beng sieng. Aenvih noh caeuq nyinz bouxvunz youq mwh mbwn liengz seiz rox hawj sailwed sousuk, mbe’gvangq deng gaz, hoh hozdung fukdoh gemjsiuj, sinzgingh hidungj cijveih ndangnoh naengzlig doekdaemq, yaek guh yindung gaxgonq danghnaeuz mbouj guh ndei cunjbei, couh rox yinxhwnj nyinz hoh caeuq noh beng sieng. Cunjbei hozdung seizgan caeuq neiyungz aeu yawj vunz bae guh, itbuen yindung ndang loq ndat di couh ngamj.

Ngeih fuengz deng rumzliengz boq dwgliengz. Haet seizcou mbwn haemq liengz, gaej daenj buhbeu bae rog ranz yindung, wng gaengawq rog ranz aenmbwn bienqvaq daeuj dem gemj buhvaq. Mwh lienhndang seiz gaej duet buh bae lai, wng caj aen- ndang loq ndat le caiq menhmenh duet buh. Lienhndang le gaej daenj buh mbaeq youq ndaw rumzgyoet soengz youq, fuengz aenndang deng liengz yinxhwnj baenz dwgliengz.

Sam fuengz yindung haenq lai. Seizcin dwg aen geiqciet ndei lienhndang ndeu, danhseih ndang vunz yaem cing heiqyiengz lij dwg cawq youq laeng sousuk ciengx ndang gaiduenh, ndigah yindung gaej daiq haenq lai, fuengz ok hanh daiq lai heiqyiengz sied bae lai, hab senj gij yindung hanghmoeg mbouj daiq yungh rengz mbouj daiq haenq bae guh.

Seiq fuengz mbwn hawqsauj. Seizcou mbwn hawqsauj youh haemq liengz, dwg aen geiqciet heiqdaep bien vuengh bien nyieg he, bouxvunz yungzheih yinxhwnj conghhoz hawq- sauj、bak linx myaiz siuj、naengmak dekleg、ndaeng ok lwed、baenz haexgaz daengj. Doiq boux lienhndang daeuj gangj, lienhndang le wng lai gwn di makleiz、lwgraz、dangzrwi、raetngaenz daengj doxgaiq.

Yindung le lij aeu lai gwn raemxgoenj, lai gwn oij、makleiz、makbingzgoj、raemxcij、lwgraz、byaek- heu daengj, baujciz nemmuek sang- huhgizdau cingqciengz iemqok, fuengz conghhoz gawh in.