Caz sam va: Aeu 20 gwz vagimngaenz, 20 gwz vagut doengh, 25 duj vamaedleih. Sam yiengh itheij dwk raemx cawj goenj 5 faen cung, dwk di dangz ndeu dang caz gwn. Ndaej siu ndat gej doeg huz dungx, cujyau dwg dawz daeuj yw dungx huj heuj in.

Cuk hingndip: Aeu 10 gwz hingndip, 50 gwz haeuxsuen. Sien dwk haeuxsuen cawj cuk cug le dwk hingndip roengz, caiq loq cawj yaep ndeu, mwh dungx byouq seiz swnh ndat gwn. Ndaej yw manh ndat sanq caep, cujyau dwg dawz daeuj yw heuj dot in.

Caz nywjnda: Aeu rag go’nywjnda 250 gwz baek raemx gwn, ndaej giep fung sanq ndat, siu foeg dingz in, cujyau dwg dawz daeuj yw rumz ndat heuj in.