Haeuj cou le, mbwn ciemh ngoenz ciemh liengz, haethaemh dohraeuj doxca haemq daih. Ndigah, bouxlaux youq gwnninz caeuq daenjbuh fuengmienh aeu gangj gohyoz, gwnninz hab “ninz caeux hwnq romh”, daenjbuh hab “cin gop cou gyoet”.

Seizcou gwnninz aeu guh daengz ninz caeux hwnq romh. Aenvih ninz caeux ndaej diuzleix heiqyiengz bouxvunz, hwnq romh ndaej hawj heiqbwt mbehai, fuengz heiqbwt yup haeuj daiq lai. Seizcou habdangq hwnq romh, ndaej hawj vunz siuj baenz lwed saek, doiq yawhfuengz uk saek lwed miz itdingh yiyi. Itbuen daeuj gangj, seizcou gyanghaemh 9 daengz 10 diemj cung haeujninz, gyanghaet 5 daengz 6 diemj hwnqcongz haemq habngamj.

Seizcou fuengz cou gyoet. Ngamq haeuj seizcou, ndathwngq caengz siu sat, rumzliengz youh daeuj daengz, mwh mbwn raemhrwnh bienq gyoet seiz, aeu habdangq dem daenj buhvaq, swhgeij gamjdaengz liengz danh mbouj gamjdaengz gyoet couh ngamj, gaej daenj dwk nanwtnwt raeujrubrub, swhgeij gamjdaengz cwxcaih couh ndaej.