Begsienj youq seizcou ciengzseiz raen miz, youqgaenj seiz doengjmbaq cungj bu rim “nae hau”, bouxcungnienz bouxcoz ceiq raen lai. Boux maij lengj engq nyapnyuk lai lo. Ndigah, seizcou gaej yawjsiuj begsienj bw.

Gemjsiuj begsienj ceiq ndei banhfap dwg: Gaijbienq naenggyaeuj sengmaj vanzging, hawj veizswnghvuz nanz seng- maj; gaijbienq gij sibgvenq rwix bae, noix ngauzhwnz, hag rox simleix diuzciet, gemjsiuj cingsaenz atlig; geih gwn gijgwn manhget caeuq gijgwn soemj, gwn di gijgwn hamz- ndaengq he. Aenvih miz gohyozgyah fatyienh, vunz daih neix gwnndoet gezgou dingzlai dwg bien soemj, mwh baiz ok gocwngz ndawde, yujsonh、niusonh、linzsonh louz youq ndaw ndang nanz lai, rox hawj gij yingzyangj naengnoh aen- gyaeuj deng yingjyangj. Gwn gijgwn hamzndaengq lai di, ndaej hawj gij hamzndaengq (lumj gai、meij、sinh daengj) cunghab gij soemj ndaw ndang lai haenx, hawj soemj ndaengq ndaej doxdaengh, mboujdanh doiq yingzyangj naengnoh aen- gyaeuj mizleih, caemhcaiq ndaej gemjsiuj naenggyaeuj loenqdoek dem.