Gou itcig miz aen nyienhmuengh he,

Muengh swhgeij majhung vaiqdi.

Daxboh roengzban lo,

gou ganjgip ndenq hwnj boi caz he.

Daxboh lumh aen’gyaeuj gou naeuz:

“Dahvanj majhung lo!”

Daxbuz cingq yawj densi,

Gou swiq aen makbingzgoj he,

Ndenq hawj daxbuz.

Daxbuz riunyumnyum naeuz：

“Dahvanj majhung lo!”

Lauxsae umj dab cozyez he,

Gou ganjgip ciep gvaqma.

Lauxsae yawjawj gou le,

Unqswnh riu lo.

Gou guj,

Lauxsae hix itdingh siengj naeuz:

“Dahvanj majhung lo!”

Gyoengqde cungj naeuz gou maj- hung lo,

Yawjdaeuj gou caen majhung lo.

(sam nienzgaep Ciz Vanjvanj)