Yw benjdauzdij fat- yiemz: Aeu 100 hauzswngh raemx lauxbaeg gya 100 hauz- swngh raemxoij heuz ndei, yungh raemxraeuj soengq gwn, ngoenz 2 daengz 3 baez, ndaej siu yiemz gej doeg.

Yw ae’ngab: Aeu 300 hauzswngh raemx lauxbaeg gya 30 hauzswngh dangzrwi, heuz raemxgoenj raeuj gwn, moix baez gwn 100 hauzswngh, ngoenz 3 baez, ndaej nyinh bwt dingh ae.

Yw hezyaz sang gyaeuj ngunh: Aeu 150 hauzswngh raemx lauxbaeg, gya 50 gwz dangznding ndau yinz, ngoenz gwn 2 baez, moix baez gwn 100 hauzswngh, ndaej siu ndat gyangq hezyaz.

Yw mbiengj gyaeuj in: Aeu lauxbaeg daem yungz nap aeu raemx gya di naegep ndeu ndau yungz ndik ndaeng, mbiengjswix in ndik congh- ndaeng baihgvaz, mbiengjgvaz in ndik conghndaeng baihswix.

Yw baeznit: Aeu laux- baeg daeuj cab baenz gaiq mbang, cuengq gwnz lozfeiz gyandat, swnh ndat cat gizde, ngoenz cat geij baez.

Yw ae myaiz lai: Aeu di lauxbaeg mwi rwed gvaq daeuj daem yungz nap aeu raemx, gya di dangznae ndeu cawj goenj langh raeujremh seiz gwn, ngoenz gwn 2 baez, moix baez gwn 60 hauzswngh.

Yw conghhoz in: Aeu 300 gwz lauxbaeg, 10 aen makheu caez baek raemx dang caz gwn, ngoenz gwn geij baez.

Yw conghbak biux naeuh: Aeu 100 hauzswngh raemx lauxbaeg, gya daengj- liengh raemxgoenj riengx bak, ngoenz geij baez.