Seizcou mbwn haemq hawqsauj, vunz ok nyouh noix, sainyouh mboujndaej cingq- ciengz cungswiq vunz couh yungzheih baenz cenzlez- senyenz. Itbuen boux vunz ngoenz gwn 2000 hauzswngh raemx, couh ndaej ok nyouh daeuj cungswiq sainyouh、coicaenh raemxiemq cenz- lezsen baiz okdaeuj, couh ndaej yawhfuengz cenzlezsen ganjyenj lo.

Linghvaih, nyouh gaep seiz ciengeiz gaej nyaenx youq. Miz haujlai vunz aenvih hong nyaengq lai cix nyaenx nyouh mbouj ok, doeklaeng nyouh dauqfanj lae dauq ndaw rongznyouh yinxhwnj baenz cenzlezsen rengz dingj bingh doekdaemq. Linghvaih, ceiq ndei dwg mbouj gwn laeuj mbouj cit ien, mbouj gwn manh, lai gwn raemx.

Conhgyah giengzdiuh naeuz, naengh miz nyouh deih、nyouh gip、ok nyouh insep、ok nyouh mbouj ndaej、naetnaiq、gvanbaz swnghhoz cizlieng doekdaemq daengj cingzgvang, wng gibseiz bae yihyen genjcaz ceihyw.