Byaekbohcai——Gijgwn bauj dai ceiq ndei mehdaiqndang. Moix 100 gwz byaekbohcai hamz miz 350 veizgwz yezsonh, dwg sojmiz byaekheu ndawde baiz youq ceiq doekgonq. Ndigah, conhgyah genyi naeuz, mehdaiqndang daiqndang ndaej song ndwen dauqndaw wng lai gwn byaekbohcai. Doengzseiz, daihliengh veizswnghsu B cuz ndaw byaekbohcai ndaej fuengz congh- hoengq ndaw buenzndok mehdaiq- ndang ganjyenj、cingsaenz caemciek、ninz mbouj ndaek daengj bingh.

Makyungz——Gijgwn soemj ceiq ndei mehdaiqndang. Mehdaiq- ndang ciengz haengj gwn gijgwn soemj. Makyungz、makseq、makyingh- dauz、makit、makgam、makbingzgoj daengj, ndawde suenq makyungz ceiq ndei.

Cazloeg——Gij caz mehdaiq- ndang ceiq ndei. Ndaw cazloeg hamz diet yenzsu haemq lai, ciengz gwn cazloeg ndaej fuengz lwedhaw.

Ceh godaengngoenz——Gij saejdaeuz mehdaiqndang ceiq ndei. Conhgyah genyi naeuz, mehdaiqndang ceiq ndei gaet di cehgva ndeu, lumj ceh godaengngoenz、ceh sae’gva、ceh namzgva daengj. Ceh godaengngoenz hamz veizswnghsu E lai, ceh sae’gva hamz yayouzsonh haemq lai, yayouz- sonh ndaej coi aen’uk lwgndawdungx fazyuz. Ceh namzgva yingzyangj caez- cienz, danbwzciz、youzlauz、dansuij vahozvuz、gai、diet、linz、huzlauxbaeg doxgaiq、veizswnghsu B1、veizswnghsu B2、nizgwzsonh daengj yienghyiengh miz caez, yingzyangj bijli doxdaengh, mizleih ndang vunz supsou leihyungh.

Gyaujgwzliz——Gijgwn meh- daiqndang senglwg ceiq ndei. Meh- daiqndang senglwg seiz aeu yungh haujlai rengz, gij goek rengz dwg daj ndaw gijgwn ndaej daeuj, gak cungj gijgwn ndawde suenq gyaujgwzliz ceiq ndei. Gyaujgwzliz yingzyangj lai, hamz ndat hix lai, 100 gwz gyaujgwzliz hamz miz 50 gwz dangz, caemhcaiq yaepyet ndeu couh deng ndang vunz supsou le vaiqvet couh cienjvaq baenz gij ndat, doiq mehdaiqndang daeuj gangj dwg gijgwn ceiq miz rengz lo.