Ngoenz he, gou caeuq daxmeh bae bouqgaimak cawx mak, yawjraen lauxbanj cingq caeuq daxheiz gaimak doxceng.

Lauxbanj naeuz:“Mwngz sou 50 maenz ngoenz- gyaj, beg soengq vunz sieng mak gyaqcienz 35 maenz he, lij bouj 15 maenz ngaenz hawj vunz, gungh sied bae 100 maenz. 100 maenz neix ndaej daj ndaw cienzhong mwngz gaeuqok.”

Daxheiz gaimak naeuz: “Mbouj deng bw! Gou sou mbaw ngaenzgyaj 50 maenz, bouj hawj de 15 maenz, wnggai sied 65 maenz cij deng bw!

Gou rox gij yienzaen doxceng gyoengqde le, gou riu dwk doiq gyoengqde naeuz: “Sou cungj loek lo.”

“Lwgnyez gaej guenj saeh vunzhung!” Lauxbanj itmienh hat gou, itmienh caeuq daxheiz gaimak ceng.

“Boh’au daxheiz, gou mbouj dwg guenj gij saeh sou, cijdwg siengj gangj cingcuj aen vwndiz suyoz ndeu. Gou suenq mbat he lo, gizsaed sou mbouj dwg sied 100 maenz, hix mbouj dwg sied 65 maenz, cij dwg sied 50 maenz.”

“Baenzlawz dwg 50 maenz ne?” Song boux cungj ngeizvaeg yawj gou.

Gou dingz yaep he le, naeuz: “Sieng mak ndeu 35 maenz, gyahwnj bouj okbae 15 maenz, itgungh dwg 50 maenz.”

“Yienghneix 50 maenz ngaenzgyaj ne?” Laux- banj gip dwk cam.

“50 maenz ngaenzgyaj haenx bonjlaiz couh mbouj dwg gij sou ha.”

“Dwg bw, caen dwg bw.” Song boux de cij fwt singj gvaqdaeuj. Daxheiz gaimak daegbied docih gou, haenh gou coengmingz.

(seiq nienzgaep Liuz Minj)