It、Gaej Gwn Daiq Hamz: Noix Gwn Gyu.

Vunzhung ndang ndei moix ngoenz gwn gyu mbouj hab mauhgvaq 6 gwz, ndawde baugvat ciengqyouz、byaekhamz、veicingh daengj liuh- diuzfeih.

Ngeih、Gaej Gwn Huqdiemz Daiq Lai: Noix Gwn Dangz.

Gijgwn hamz dangz lai haenx cujyau miz haeux、mienh、gaudiemj daengj. Haeuxgwn aeu saeqco dap- boiq, lumj haeuxyangz、haeuxfiengj、duh、meg、 lwgmaenz daengj. Ceiq ndei mbouj gwn roxnaeuz noix gwn bingjyouz、youzdiuz、gau caq、gau- gyaeq naijyouz、gyaujgwzliz、sietgau yungh cij guh baenz haenx.

Sam、Gijgwn Gaej Daiq Nywnx: Noix Gwn Gijgwn Youzlauz Lai Haenx.

Ngoenznaengz aeu noix gwn noh doihduz(daegbied dwg nohbiz)、youz- lauz doihduz、gaudiemj naijyouz、youzgo’gvang、gyaeqhenj、dungxsaej bwtdaep doihduz、bya、naeng nohgaeq、naeng nohbit. Ngoenznaengz gwn cij- vaiz cijsoemj mbouj ndaej mauhgvaq 250 gwz. Ngoenz gwn noh gamhanh youq 75 gwz dauqndaw, cujyau dwg gwn nohcing, lumj nohmou cing、nohvaiz、nohyiengz、nohgaeq、nohbit daengj.

Seiq、Gijgwn Gaej Daiq Manh: Noix Ndoet Laeuj.

Laeuj dwg gijgwn manh haenx, doiq boux lanhlaeuj daeuj gangj, genyi bouxsai moix ngoenz mbouj ndaej mauhgvaq 30 gwz, couhdwg laeuj- makit mbouj mauhgvaq 100 daengz 150 hauzswngh; laeujbizciuj mbouj mauhgvaq 250 daengz 500 hauzswngh; laeujhau mbouj mauhgvaq 25 daengz 50 hauzswngh. Mehmbwk gemj buenq, mehdaiqndang mbouj ndaej gwn laeuj.

Haj、Gijgwn Gaej Daiq Haemz: Gwn Lai Rox Mbwqgwn.

Gijgwn haemz cujyau miz byaekmeg、byaekginzcai、byaekgat、lwghaemz、gahfeih daengj. Gij huq neix gwn lai rox sienghaih dungx, ndaej yinxhwnj baenz mbwqgwn、aek in dungxsiq, yingjyangj siuvaq supsou gijgwn.

Aeu daezsingj dwg, dingzlai bouxlaux baez dwen daengz gyaeqgaeq couh mbwq, nyinhnaeuz de hamz danjgucunz daiq lai, doiq ndangdaej mbouj ndei, gizsaed cawz boux ndang hamz danjgucunz lai caenhliengh noix gwn gyaeqhenj le, gij vunzwnq gwn di gyaeqgaeq he hix mboujmiz vwndiz. Lij aeu giengzdiuh dwg, gwn doxgaiq aeu habdoh, gaej gwn daiq imq. Danghnaeuz caiq boiqhab guh di yindung he, caemhcaiq baujciz sim- cingz vaiqvued dem, couh mbouj lau baenz hezyaz sang lo.