Bwnq di gaumakleiz seizcou hawj de. Gaumakleiz seizcou dwg aeu makleizhau guh cujyau yenzliuh daeuj boiq gij yw dingz ae、seng raemx nyinh bwt daeuj guhbaenz, lumj ganhcauj、makbizbaz、rag gaeugat、lauxbaeg、ngaeux、raemx hing、conhbei、dangzrwi daengj cunghyoz ngauz baenz ywgau. Doiq bwt hawq、haexgyaeng daengj bingh miz haemq ndei ceihyw cozyung. Mwh lwgnyez ae mbouj dingz seiz, cawjranz ndaej aeu sieg ywgau ndeu heuz raemxgoenj bwnq hawj lwgnyez gwn.

Gwn gijgwn nyinh bwt. Makleiz、raetngaenz、makcauj diemz、beghab、makbizbaz cungj miz nyinh bwt cozyung, aeu gij huq neix baek dang hawj de gwn nyinh bwt yaugoj ceiq ndei.

Siuj gwn haijsenh. Youq aen geiqciet neix, ceiq ndei gaej hawj lwgnyez gwn bya、nyauh、baeu daengj haijsenh, aenvih heiq haeusing ceiq yungzheih gig huhgizdau, bya nyauh ndaej yinxhwnj danbwzciz gominj, ndaej hawj lwgnyez ae engq youq- gaenj.

Linghvaih, seizcou aeu hawj lwgnyez gwn raemx gaeuq, raemx dwg gij gw nyinhraeuz ndaw ndang vunz, cijaeu gwn raemx gaeuq, cij ndaej baujciz aenbwt caeuq huhgizdau cingqciengz dumznyinh, mienx deng baenzae. Linghvaih, gaej luenh hawj lwgnyez gwn yw dingz ae, aeu gwn seiz itdingh aeu youq canghyw cijdauj lajde bae gwn.