Seizcou heiqyiengz cugciemh siu bae, heiqyaem gaenlaeng riengz daeuj, seizneix ndang vunz hix aeu riengzei seiq seiz bienqvaq gvilwd, yamqhaeuj daengz seiz baujhoh heiqyaem, youq gwnndoet fuengmienh wng aeu fuengz hawq ciengx yaem、nyinh yaem nyinh bwt guhcawj lo.

Gwnndoet wng diemz nyinh. Hab senj gwn gij huq diemzcaep dumznyinh haenx, lumj beghab、raetngaenz、maenzcienz、makleiz、makit、lwgcid、haeuxcid、oij、gienghduh、lwgraz、ngaeux、byaek- bohcai、bwtmou、nohfw、makgyamj daengj, gij huq neix ndaej nyinh bwt seng raemx、ciengx yaem siu hawq. Siuj gwn coeng、hing、lwgmanh daengj doxgaiq manhget.

Gwnndoet hab nyinhbouj. Seizcou gwn bouj dwg vih seizdoeng gwn bouj dwk ndei giekdaej, ndaej habdangq gwn di sahsinh、megdoeng、beghab、conh- bei daengj ywdoj, neix doiq vanjgaij seizcou hawqsauj miz haemq ndei yaugoj.

Seizcou wng siuj gwn manh dem gwn soemj. Seizcou wng siuj gwn coeng、hing、lwgmanh、gyaeujsuenq、byaekgep, mienx- ndaej heiqbwt deng sieng; lai gwn di lwgmak caeuq byaekheu loq soemj ndeu, lumj makbingzgoj、maksigloux、makit、makgai、mak- bug、makcengz、maksanhcah daengj, fuengz dienheiq hawqsauj haih ndang vunz.