Duhdoem miz aen mingzdaeuz ndei ndeu heuhguh “maksouhyienz”, gij yingz- yangj gyaciz de caeuq gyaeqgaeq、cijvaiz doxlumj. Daj cunghyih gakdoh daeuj gangj, gwn de ndaej dumznyinh aenbwt、vaq myaiz siu myaiz, ndaej bouj ciengx beizheiq. Lij ndaej dawz daeuj yw yingzyangj mbouj ndei、haex geng haex ndongj daengj vwndiz. Ceiq ndei gwnfap dwg daiq gvamq naengj cug lienz luep naeng hoengz naedduh itheij gwn, yienghneix mboujdanh yungzheih siuvaq, coi seng hezsiujbanj、gyagiengz gij sousuk goengnaengz sailwed conghbwn.

Seizcou gwn bouj cujyau dwg nyinh bouj. Maenzcienz miz aen mingzdaeuz “gijgwn duzbaed” ndeu, ceiq hab seizcou gwn bouj, beizheiq yungzheih supsou, mbouj gyanaek aendungx fudanh. Ndaw maenzcienz hamz miz daihliengh danbwz niu、veizswnghsu caeuq veizlieng yenzsu, ndaej mizyauq dwk laengzdangj hezcij yaemz youq bangx sailwed, yawhfuengz sai sim lwed baenzbingh. Hab naengj cug gwn, yienghneix baujlouz yingzyangj ceiq lai.