Raeuz moix vunz cungj myaiz rih gvaq. Lij iq myaiz rih lauheiq dwg dwggyaez, danhseih hung le lij myaiz rih couh nyapnyuk lai lo.

Danghnaeuz lwgnyez beiz- heiq ndat、hwnjhuj rox miz myaiz saw lai, nanz gamhanh ndaej de, caemhcaiq baenz gokbak nengz dem; lwgnyez beizheiq hawcaep, heiqhaw nanz yup ndaej raemx- myaiz, yienghneix couh myaiz saw myaiz raengh、haex saw siq mbouj dingz, saek naj caeuq naengbak haudamh.

Haujlai vunzhung mwh ninz seiz hix miz myaiz rih cungj cingzgvang neix. Canghyw naeuz, neix cujyau dwg aenvih gwn huqmanh daiq lai yinxhwnj beizheiq hwnjhuj cauxbaenz. Yienghneix, couh gaej caiq gwn huqmanh lo, doengzseiz, hix gaej gwn imq gvaqbouh, daegbied dwg donqcaeuz, itdingh gwn noix di.

Canghyw naeuz, cangq beizheiq dwg aen banhfap yw myaiz rih ndeu, ndaej dwk di maenzcienz、duhbap、haeuxlidlu、cehmbu caeuq haeuxsuen ngauz cuk gwn; roxnaeuz aeu ngveih ikceiq（益智仁）、 dawgaeq ngenz mwnh, ngoenz gwn di he, lwgnyez ngoenz gwn 0.5 gwz, vunzhung ngoenz gwn 3 daengz 6 gwz.

Doeklaeng, canghyw giengz- diuh naeuz, danghnaeuz myaiz rih youqgaenj, swhgeij nanz gamhanh ndaej, ceiq ndei dwg bae yihyen duenq yw.