Yienhdaih yingzyangjyoz yenzgiu byaujmingz, ndaw daez- mou hamz miz danbwzciz、youz- lauz caeuq dansuij vahozvuz haemq lai, caemhcaiq hamz miz gai、linz、meij、diet、veizswnghsu A、veizswnghsu D、veizswnghsu E、veizswnghsu K daengj miz ik cwngzfwn dem. Hamz gyauhyenz danbwzciz hix haemq lai, doiq bouxlaux sinzgingh hawnyieg(ninz mbouj ndaek) miz haemq ndei ceihyw cozyung.

Aenvih gij ganh’anhsonh ndaw daezmou ndaej hawj cunghsuh sinzgingh caemcingx, mbangj vunz bingzseiz gahengh caeugaen roxnaeuz mazmwnh haenx, ciengz gwn dang daezmou miz itdingh bangbouj ceihyw cozyung. Hoeng, aenvih daezmou youzlauz haemq lai, boux baenz doenghmeg giet ndongj caeuq boux baenz hezyaz sang ceiq ndei noix gwn di.