1、Aeu 5 gwz makhwzdauz, 1 gwz dangzrwi, cung raemx cimq gwn, ndaej nyinh saej doeng haex.

2、Aeu 6 aen makhwzdauz, boi cijvaiz ndeu, cawj cug le yaek haeujninz seiz gwn, ndaej cangq uk ninz ndaek vaiq.

3、Aeu ngveih makhwzdauz caeuq haeuxsan gak 50 gwz, dwk 500 hauzswngh raemx hai feiz cawj goenj le gaij yungh feiznumq cawj cuk gwn, ndaej gyangq danjgucunz、yawhfuengz sailwed giet ndongj.

4、Aeu ngveih daengz song ngveih makhwzdauz, gep daengz song gep hingndip doengzcaez nyaij gwn, ngoenznaengz haet- haemh gak baez ndeu, ndaej bouj ik bwt beizheiq, vaq myaiz siu ae’ngab.

5、Makhwzdauz caeuq lwgraz gak 5 gwz, ngenz mienz le heuz baenz giengh gwd gwn, ndaej hawj byoemgyaeuj ndaem wenj.

6、Noh makhwzdauz、duhdoem gak 1 liengx, aen gyaeujbya hung ndeu, swiq seuq dwk di youz he cien hom; caiq aeu 6 aen makcauj nding、3 gep hingndip caez dwk gumeng gya raemx cawj 1 diemj cung gwn, ndaej bouj uk vunz coengmingz.