Vunz lajmbanj gvaq saedceij mbouj lumj vunz ndawsingz, vunz ndawsingz daengx ngoenz nyaengqnyat, vunz lajmbanj cix soengse cwxcaih.

Haetcaeux, hoengheiq laj- mbanj gig singjsien, hawj vunz gamjdaengz gig cwxcaih, rumz ci hwnj naj daeuj, sawj vunz gamj- daengz gig cingsaenz. Nungzminz bohlungz boh’au couh youq gij hoengheiq singjsien neix guh- hong: Caenaz、 gvakrum、 dwk- bwnh、gaebnon……Dingq! Duz- roeg dwggyaez cingq angq dwk cici caca ciengqgo, gig ndeidingq, hawj lwgnyez guhcaemz caeuq mehbaj mehsimj youq henz dah dajsaeg daiq daeuj angqyangz. Diuz dah’iq najranz raemx laeyaengyaeng, sawdikdik, liengzsisi, rin ndaw raemx miz hung miz iq, miz bej miz luenz, yawj ndaej cingcing cujcuj, gyoengq bya’iq youq geh- rin youzyed doxgyaep, cwxcaih dangqmaz.

Seizhah banhaemh, gwnz- mbwn benqfwj henjhoengz menh- menh sanq bae, rumz liengzsisi ci luenh gij byoem gwnz gyaeuj, duzroeg ganj ma ndaw rongz haenx daj dingjgyaeuj mbin gvaq, gyoengq biengzbeih hix youq gwnz dingjgyaeuj gvaengxgvax, gyoengq lwgnyez caeuq biengzbeih dox- gyaep guhcaemz. Duzroeg duz- biengzbeih caeuq vunz lajmbanj dwg baengzyoux ndei, gyoengqde gyoebbaenz fuk dozveh swhyienz huzndei gyaeundei ndeu.

Gij saedceij lajmbanj soengse cwxcaih, vunz caeuq daswyenz huzndei caezyouq, geijlai hawj vunz siengjgyaez ha.

（指导老师：冼娟凤）