Gou daj iq couh gyaez mbin, aiq dwg aenvih mwh iq daxboh ciengzciengz umj gou mbin bae mbin dauq ba. Seizneix daxboh gaenq umj mbouj hwnj gou lo, hoeng gou lij gig siengj mbin.

Gou hai aen conghcueng, hozhaenz dwk yawj gij roeg gwnzmbwn cwxcaih mbin bae mbin dauq, gou gag siengj, danghnaeuz gou miz doiq fwed he, gou itdingh mbin daengz gwnzmbwn bae, caeuq dujfwj guhdoih. Dou ngaemgyaeuj doxcaez yawj baenz diuz baenz diuz dah- iq sawndik, doxcaez yawj baenz benq baenz benq doenghnaz henjgim, doxcaez yawj daxboh daxmeh gaenxgyaek guhhong, doxcaez yawj gyoengq lwgnyez guhcaemz. Mbin ha mbin ha！Gou caeuq duzroeg doxlwnh gij angqyangz mbin, gou doiq fwjnding fwjhenj ciengq diuz go ndeidingq vaiqvued he, gou gangj goj mizyinx ndaw hagdangz hawj ndaundeiq dingq.

Gou danghnaeuz caen rox mbin geijlai ndei ha! （指导老师：龙宇）