8 nyied 25 hauh(liggaeuq caet nyied cibngeih), Lungzswng Gak Cuz Swciyen Lozgyangh Yangh Mbanjbaujcwng beixnuengx Dungcuz angqhoh “ciet cienzgo” moix bi gvaq baez haenx. Dangdieg beixnuengx Dungcuz doxcomz youq giz haenx, caez ciengq golaux Dungcuz, swnjcienz vwnzva Dungcuz.

Gaenh geij bi neix daeuj, aen yienh neix doenggvaq gawjbanh gak cungj minzcuz conzdungj hozdung, haenqrengz swnjcienz caeuq baujhoh golaux Dungcuz、 aen venz caijdangz、 giuzndojfwn、 laeuzgyong daengj yenzswnghdai daegsaek Dungcuz, yinx ndaej haujlai hekyouz daeuj yawjngonz youzcet.

(Gyaj Libingz/贾丽平 Vuz Swngh- binh/吴生斌 ）