8 nyied 24 hauh ngoenzde, hekyouz cungj humx youq Ginhsiu Yauzcuz Swciyen aen bouqdajsiuq Cau Fung- yangh senj cawx gij dajsiuq Yauzcuz. Cau Fung’yangh dwg bouxswnjcienz swcigihgaep feihvuzciz vwnzva yizcanj he, gij dajsiuq Yauzcuz ndaw diemq de cungj dwg de gag guh, aenvih dinfwngz ndei、 yienghsik lai、 daegsaek minzcuz naekna、 gyaqcienz hableix, ndigah ndaej daengz hekyouz haengjgyaez.

Gaenh geij bi neix daeuj, aen yienh neix yawjnaek lijyouz caeuq minzcuz vwnzva giethab, doenggvaq beizyin、 dazyinx caeuq bangfuz, hawj haujlai bouxswnjcienz feihyiz daj bouxcienzboq minzcuz vwnzva dan’it, bienqbaenz bouxhaifat、 bouxgaicawx minzcuz vwnz- va canjbinj, ndaej hawj gyoengqde demsou.

(Gauh Yuzginh/高如金）