Lwgnyez riuzhengzsingq dwg- liengz dwg aenvih binghdoeg ganjyenj yinxhwnj baenz cungj gipsingq binghlah saidiemheiq ndeu, dingzlai dwg youq byai doeng co cin dienheiq bienqvaq haenq seiz fatseng. Lwgnyez baez baenz dwgliengz, gij yiengh- siengq de dwg mug rih、conghhoz in、ae gebgeb caemhcaiq rueg ok. Lwgnyez baenz dwgliengz ndaej bingh haemq gip, ndangraeuj itbuen mauh- gvaq 38 doh, okyienh lau nit ndang saenz、gyaeuj in caemhcaiq daengx ndang in dot daengj binghyiengh.

Danghnaeuz lwgnyez baenz dwg- liengz lo, cawjranz aeu guh ndei geij gienh saeh lajneix:

1、Aeu haeujsim lwgnyez ndang- raeuj bienqvaq, moix gek 3 daengz 4 diemj cung bang lwgnyez dang ndangraeuj baez ndeu. Hawj de gwn ywdoiqndat, caemhcaiq hawj de lai gwn di raemxgoenj liengz ndeu, haeujsim yietnaiq, baenzneix mizleih de doiqndat.

2、Haeujsim ndaw rug veiswngh caeuq bauj raeuj, genjdanh siudoeg ndaw rug, yungh 2 daengz 4 hauz- swngh yujsonh heuz 10 boix raemsaw gya’ndat fwifat siudoeg ndaw rug.

3、Haeujsim doeng rumz vuenh heiq, ndaw rug baujciz 55% dohmbaeq couh ngamj.

4、Gij ceij lwgnyez uet mug aeu gibseiz cawqleix ndei, gij gaen de yungh gvaq haenx aeu yungh raemxgoenj siudoeg gvaq.

5、Lwgnyez dwgliengz caengz ndei gaxgonq gaej hawj de bae youwzyenz, mienxndaej cienzlah hawj lwgnyez wnq.

Raen miz baihlaj geij cungj cingzgvang seiz, aeu soengq lwgnyez bae yihyen genjcaz aeu yw:

1、Lwgnyez baenz binghnyouh- dangz roxnaeuz ae’ngab.

2、Fatndat roxnaeuz ndangraeuj youq 36 doh dauqndaw lij gyangq mbouj roengzdaeuj.

3、Baenz dwgliengz le youh raen naengnoh hwnj baenz diemj baenz diemj nding, gojnwngz dwg baenz mazcimj lo.

4、Ae dwk youqgaenj, gig goj- nwngz dwg aenbwt ganjyenj.

5、Mug gwd saekhenj, gojnwngz baenz bizdouyenz lo.

6、Gamjdaengz ndaw rwz in dot, gojnwngz dwg baenz rwzmboq lo.

7、Rueg ok.