Yingzyangj conhgyah naeuz, haeuj daengz seizcou le, aeu lai gwn dangzrwi noix gwn hing. Neix dwg aenvih, seizcou mbwn hawqsauj, heiq sauj yungzheih sieng bwt, gyahwnj gwn hing dem, bwt engq yungzheih deng haih, aenndang bouxvunz yungzheih sied raemx、hawqsauj. Baenzneix, ndang vunz couh aeu ciengzseiz “bouj raemx” cij ndaej.

Conhgyah genyi naeuz, gyang- ngoenz aeu gwn di raemxgyu he, gyanghaemh gwn di dangzrwi ndeu, gawq dwg banhfap ndei bouj raemx hawj aenndang, youh dwg aen danfueng gwnndoet seizcou ciengx ndang、dingj nyieglaux ndeu, doengz- seiz hix ndaej yawhfuengz baenz haexgaz dem. Gij yingzyangj cwngzfwn ndaw dangzrwi gig lai, cujyau cwngzfwn dwg dangzmakit caeuq dangzmak, linghvaih, lij hamz miz danbwzciz、anhgihsonh、veizswnghsu A、veizswnghsu C、veizswnghsu D daengj dem. Gwn dangzrwi ndaej hawj ndang maenghcangq、daezsang ciliz、demgya hezhungzdanbwz daengj cozyung. Seizcou ciengzseiz gwn dangzrwi, mboujdanh mizleih bingh hoizdauq, caemhcaiq ndaej fuengz aenndang deng sienghaih, youh hwnj daengz nyinh bwt ciengx bwt cozyung dem.

Yingzyangj conhgyah daezsingj naeuz, seizcou wng mbouj gwn roxnaeuz noix gwn gijgwn hangqring manhget, lumj lwgmanh、vaceu、gveiqbeiz、 hing daengj. Daegbied dwg gwn hing engq yungzheih hwnjhuj.