8 nyied 15 hauh, Nanzdanh Yen Lijhuz Yauzcuz Yangh Mbanjvangzsang 400 lai boux beixnuengx Bwzguyauz, daenj buhmoq vaqmoq ngoenzciet angq gvaq ciet siujnienz. Ciet siujnienz dwg aen ciet Bwzguyauz ceiq miz daegsaek minzcuz he, binaengz seizcin nyaengq sat le、seizcou gaxgonq senj dingh ngoenz ndeu gvaq ciet siujnienz. Ciet siujnienz ngoenzde, gak mbanj beixnuengx Bwzguyauz cungj cangndang moqsak gyaeuget, youh ciengq youh diuq, gaj gaeq gaj mou, yienj vwnzva minzcuz lai cungj lai yiengh, caez biujdap cung simcingz “gyo’mbaiq cojcoeng、 maqmuengh demsou、 baujyouh bingzan”ndeiraeuh ndeu.(Fuz Lungzgyangz/符龙强)