8 nyied 19 hauh banhaemh, daih cibngeih gaiq Yinznanz Guengjsae haj yienh vwnzva gyauhliuz hozdung vwnzyi veiyenj aeu “Yienzfaenh Yinznanz Guengjsae, cingzndiep beixnuengx naekna” guh cawjdaez youq Cingsih Yen yinzminz lijdangz gawjbanh. Gyoengq beixnuengx daj Yinznanz Swngj Funingz Yen、 Mazlizboh Yen、Majgvanh Yen caeuq Guengjsae Baksaek Si Cingsih Yen、 Nazboh Yen daeuj haenx doxcomz youq giz haenx, youh ciengq youh diuq, doengzcaez hwnj daiz yienj heiq.

Vanjvei cezmuz ndei yawj dangqmaz, gig miz daegsaek minzcuz, miz yenzswnghdai foux minzcuz、 moegyou biujyienj、 go foux、 doiqfwen daengj lai cungj biujyienj hingzsik. Haemhde, mboujdanh miz vunzlai dangdieg Cingsih, lij miz beixnuengx seiq aen yienh wnq dieg henzguek doengzcaez daeuj yawj vwnzyi veiyenj dem, yienhciengz nauhyied angqyangz.

(Veiz Caijbingz/韦彩坪)